التخطي إلى المحتوى
متاخرات الحمل تعالو .. اسباب تأخر الحمل , تجربتي مع علاج تأخر الحمل

سلام عليكم

انا النهاردة جاية اقولكم ايه اللى استعملته وايه اللى خلاني استفيد منه بعد رحلتي الطويلة في تجارب كتيرة اوي عشان الحمل يتم عندي.

اول حاجة انا مكنش عندي اي حاجة الحمدلله وكنت بحاول دايما الحمل بس الحمل مكنش بيتم ونويت بعد كدا اني اروح للدكاتره بعد كل شهر عشان احلل هرمونات.

اول مرة طلع عندي كيس علي المبيض عشان قبلها كنت بستعمل مرامية ومنشطات طبيعية بس بشكل كبير ودا سببلي المرامية كيس وظيفي.

وبعد كدا طلع تحليل الـ LH عالي وصل لـ 10 تقريباً, ولو مكنش مرتفع دا يعني ان في تكيس مبايض دا اللى قالتهولي الدكتوره بتاعتي ، قامت الدكتورة اديتني دواء اسمه ليدي نانو فوار والمادة الفعالة اللي فيه الميوانزتول بتعمل نفس وظيفة الكلوفاج بالظبط بتزيد حساسية الانسولين  والدوا دا فادني بصراحة.

يعني لو ملقتوش ليدي نانو اشترو كلوفاج او ميوزانزتول ، ابحثو عليه .

ولما استمريت علي الدوا دا الهرمون نزل عندي الشهر اللي بعده علي طول لـ 5 تقريبا، وعملت تحليل وطلع عندي ارتفاع في هرومن الحليب 36 مع ان قبلها مكنش عندي سبحان الل وطلع من السمسم عشان كنت كل يوم باكل سمسم اول ما بصحي من النوم يعني علي الريق معلقة كبيرة.

المهم بعد كدا الدكتورة اديتني دوا والحمدلله نشف الحليب وكنت بشكل يومي اشرب برقدوش..وجيت في مرة واحده الله يباركلها قالتلي علي الخلطة دي وجربتها والخلطة هي فنجان رشاد وفنجان حبة سودا وفنجان حلبه وفنجان فلفل اسود هنحطهم علي بعض ونطحنهم في بعض وكل يوم ناخط معلقة من الخلطة دي ونحطها علي كوباية حليب دافي ونشربه مرتين في اليوم مرة بالليل قبل النوم ومرة الصبح علي الريق فى اول تلت تيام من الدورة.

انا بصراحة عملت الخلطة دي بس من غير حلبة عشان الحلبة بترفع هرمون الحليب وجاتلي الدورة وروحت حللت هرمونات وكا وقتها تحليل الـ LH عندي نزل من 9.95 ل 5 الحمدلله بفضل الله ثم ليدي نانو والحيب نزل لـ 0.80 الحمدلله .

بس بردو ما حملت في الشهر دا قلت هعمل اشعة صبغة, وقمت باستعمال الخلطة اللى كتبتها ليكم فوق بس من غير حلبه عشان هرمون الحليب، عشان اتنظف قبل ما اعمل اشعة الصبغة وحصل جماع بعد الدور بستة ايام وكنت وقتعا متابعة التبويق باجهزة اختبار الاباضة اللى هتلاقيها في صيدليه النهدي وكان بيقولي ان الويضة خلاص نزلت وطلعلي خط بس خط خفيف اوي قلت خلاص شكل الحمل متمش المرة دي .

وحصل الجماع وانتظر الدورة تنزل بس منتزلتش وطلعت الحمدلله حااامل بفضل الله يارب يتتملي علي خير اللهم ارزقني بالذكر السليم المعافي يارب ..بس يابنات انا حبيت اشاركم تجربتي وحبيت تستفيدو من علاجاتي وباذن الله يارب كل واحدة حملها متأخر تحمل علي طول 😍 .

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *